Dam-daar barasat pani ki lehar rahi
Gile sadkon se paani ek taraf jami rahi
Ek salone bachpan ki yaad aati rahi
Bina barsati liye bhigne daudi jaati rahi
Khel ek bahana tha bhigna jo chahti rahi
Soccer ho ya phir kabbadi khub khelti rahi
Sham pahunchte shakal anokhi rahi
Acchambhit shakalein dekh hamari rahi
Magar keechad se khelna bimari nahi rahi
Ek nadaani jo khushiyan deti rahi
Milkar dharti se lotkar barish khush hoti rahi
Kaisa woh bachpan kabhi jaldi nahi rahi
Der se ghar pahunchkar phatkar pyari rahi
Daant ke sath tauliye se sar pochna ma nyari rahi
Apne andaj mein dantna aur pyar bhi karti rahi
Agle bar chaata le jaane ki salah deti rahi
Phir wohi gunaah karne ki adat jo meri rahi
Mithi daant ke sang sardi bhi ho jaati rahi
Doctor ki mithi rangeen dawai aati rahi
Jo jhat se accha kar mein mauj karti rahi
Aise pyare pal barsaaton ke aati jaati rahi
Kab bachpan sanwar gaya jawani aati rahi
Ab ke sawan mein jo rang tha woh gulabi rahi
Boondon ka girna dil ke aar-paar hoti rahi
Paani ka bikharna dil mein tufan machati rahi
Un sang nain ladaoon deewanepan ki hadd rahi
Dharti se lipti motiyan jaise mein milti rahi
Armanon ke beej woh boye mein bhigti rahi
Mohabbat ki daastan barsaat ke sang badhti rahi
Unse milne ke bahane hazaar mein dhundte rahi
~ fiza
2 comments:
kavita bahut acchi lagi
Maunas ji bahut bahut shukriya kavita parhne ka kasht kiya aapne aur tippani bhi ki...dil khush hua :)
Sehar
Post a Comment