Wednesday, November 24, 2010

Ye Jannat kaisa hota hai?

Zindagi mein aap khwab dekhte ho jo kabhi kabhi aap haqiqat mein jeete ho :)! Aur isi jhunjhulahat mein khwab aur haqiqat aapko do aise rang mein le aate hein ke aap soch mein pad jaate ho ke aakhir  woh tha kya? Ek choti see koshish...




Jannat ki ser kise kehate hein
meine bhi ye khwab dekha
Kuch-kuch khwabon jaisa
to kuch khwabon se bhi accha


Raaste ke mod per kaheen
Peepal ki dhandi chaanv tale
Kuch der tham kar socha
Yehi hai woh jannat jaisa?
Jise meine khwabon mein dekha?


Dur se oodti titali aayee
Boli pal bhar mein mai urr jaoon
Jitna tum behalalo jee per
Khwab to Khwab hee hai aakhir
Sehar ke aate ooth jana tum


Mein bholi kuch na jaani
Khwab ko haqiqat samjhi
Jivan ki sui-dor se bun ne lagi
Jo kabhi na judi kaheen se
Is pal ko jivan se jodne lagi


Nisha ki woh kaali raat bhi aayee
Jivan ki kaali khari tasveer liye
Woh bun ne lagi jaise makadi ka jaala
Dheere dheere phaans liya makade ne
Shikaar hogayee, ek aur khoon ho gaya 


Sach hee kaha hai jis kisine 
Khwab to khwab hee hote hein
Kisne ise sach hote dekha hai 
Jo mein sach karne nikali thi?
Kaanch toota hee hai judta nahi phir


Jannat ki ser kise kehate hein
meine bhi ye khwab dekha
Kuch-kuch khwabon jaisa
to kuch khwabon se bhi accha
Ye Jannat hota kaisa hai?


~ fiza

Friday, October 15, 2010

Kaash ye dil ek ghada hota?

Ek soch...kyun ke insaan ka dil bahut hee zalim hai jo ke jab khush na ho to bahut dard de jaata hai aur jab khush ho to phir insaan ki woh haalat kar deta hai jo insaan ke bhi wash mein nahi hota ke oos se sambhala jaaye...ek soch maatra pesh kiya hai ....aapki paziryaari ke liye shukriya




kaash ye dil ek ghada hota
thodi der ke liye jal bhar jaata
kuch bhi ho mera dil khush ho jaata
bhala Ismein kya bura ho jaata?


Kuch roz hee ke liye sahi doston
Dil to mera khush hee rehata
Aage aage jaane jo bhi hota
Mein apna ghada lekar phir nikalta


Aise hee jalashay ki talash mein
Iss ghade ko mein bharta rehata
Har agle din jab ye khali hota
Mein jal ki dhara ko pakadne lag jata


Kaash ye dil ek ghada hota
thodi der ke liye pyaar se bhar jaata
kuch alag alag logon se milta
Dil ke armaan oonse share kar leta ;-)


Dil ki baat jab nikal aayee hai
To kyun ab apna tikana bana leta?
Ek jis per dil aajata
Ose hee pakad kar apna leta?


Aise kuch kash-mush mein hee
Oonse mein aankh se aankh mila jata
Kuch bhi ho aise mein mera dil khush ho jaata
Kaash ye dil ek ghada hota?


Dil ka ya hai ghade jaisa
Kab kaise kis se toot jata
Phir mein naye ghade ki talaash mein
Duniya bhar kumbhaar dundta phirta


Kya ye dil phir ek ghada ban paata?

~ fiza

Tuesday, August 24, 2010

Pyaar ka rishta jise bhaiya kaha jata tha

Rakshabandhan - jo kabhi aise waqt ki yaad dilata hai jab ek maharani ne apni jaan ijjat bachane ke liye dusre raja ko rakhi ke dhaage se raksha ki minnat ki thi aur ye pratha wahan se shuru hui.
Os waqt khoon ke rishte se bhi badhkar maane jaate the rakhi ke bandhan se bana hua bhai-behan ka pyaar...aur aaj shayad khoon ke rishte mein hokar bhi bhai-behan kahan nibha paate hein?


Meine bhi nibhaya tha
Dhagon ke bandhan mein bandha tha
Pyaar ka rishta jise bhaiya kaha jata tha
Atoot bandhan tha
dhagon se badhkar majboot tha
Athkheliyon mein aur ladakpan mein
Behakte kadamon ki dastaan chipaye rakha tha
Aisa pyaara aur salona rishta tha

Meine bhi nibhaya tha
Dhagon ke bandhan mein bandha tha
Kab woh itna bada hogaya
Jaane kaise dhaga kaccha hogaya
Barson ke iss rishte ko dhage se todd diya
Kis baat ka garoor tha na jaane kis baat ka veham
Woh rishta toot te gaya kache daage sa
Woh rang phika hote gaya holi ke rangon sa

Meine bhi nibhaya tha
Dhagon ke bandhan mein bandha tha
Aaj yaadon ke gharonde mein baith
Soch rahi kis kadar bitaaye woh pal
Jab maan-baba se chipate the mastiyaan
Gid-gidakar maufi mangte the oonki ghalatiyon per
Kya iss kadar sab badal gaya
Kya oss rishte ko bhula diya

Meine bhi nibhaya tha
Dhagon ke bandhan mein bandha tha
Kal maut khadi samne nazar aati hai
Aaj beete kal ki yaad satati hai
Kaun kahan se aaya tha
Kis kokh se janma tha
Aana -jana laga rahega
Kaun kis gali mein phir janmega
Bhai-Behan ke rishte yoon koi nahi nibhayega

Meine bhi nibhaya tha
Dhagon ke bandhan mein bandha tha

~ fiza

Wednesday, August 18, 2010

Ek Phul...

Swantantrata diwas ki shubhkamnayein doston...ye ek iss tarah ki azaadi hai jahan desh per mar-mitne ke liye kisi ki bhi ijazat nahi leni padti ...aise hee jasbaat ubhar kar nikale jab desh-premiyon aur shaheed jawano ko yaad kiya aur shradhanjai arpit kiya...




Ek phul jo toot ke
gira
Ladkhadata hua ja
atka
Tehaniyon per
Aandhiyon ke jhokon
mein
Na phanskar
Woh phir gira vahan se
Lekin,
Patton ke beech ja phansa
ab ke
Jaanwaron ne bhuk mitayee
Patton ke sang woh phul
Phir Kaheen
Chip gaya aur leharata hua
Oos waqt path par ja gira
Jab shaheedon per mitti dali
gayee!!!

~ fiza

Saturday, August 07, 2010

Tu aur kareeb hee ho chala hai

Kabhi -Kabhi Dil guzre huye pal ko yaad karke hee mastmaula ho jaata hai. Kisi apne ke dur hone per bhi khayaalon ki kambal bunte oose der nahi lagti aur phir oosi kambal ko apne se lapetkar woh hijr ki raat bitaata hai...aise hee kuch asmanjas mein pade mann ki halat ko pesh karne ka pryaas...

Shyam ke is chanchal ban (jungle) mein

Mann chanchal ban ho chala hai

Phir bachpan ki athkeliyon mein
Mann khelne aaj phir chala hai

Bad-mast voh pawan sang Main
Chori-seena zori kar chala hai

Mast-Maula Logon Ki Bhid Mein
Kyun mann tujhe soch chala hai

Masti bhare iss shyam mein
Kyun dil tujhe dhunde chala hai

Kareeb se bhi kareeb hoon Main
Phir kyun mujh se dur chala hai

Dil ke bagdor ki majbooti mein
Tu aur kareeb hee ho chala hai

Fiza soche hein iss bhagdad mein
Kyun ye mann manchala ho chala hai

~ fiza

Saturday, July 24, 2010

Har taraf yehi rona hai


Aajkal rishte naaton mein itne tanaav aur tanz paaye jaate hein ke bas...dil kehata hai band karo iss rasmon -rivaazon ko aur khuli azaadi mein jiyo...

Har taraf yehi rona hai
Har patni ka pati ko rokna hai
Jo Patni Jeene de Pati ko
Woh osi per nirbhar reha jana hai

Har taraf yehi rona hai
Har Patni ka pati ko rokna hai

Jeene se, khush hone se
Jahan Jo Jukha waheen woh phansa
sadgi aur apnaiyat ki dastaan
kitaabon mein bhali lage hai

Har taraf yehi rona hai
Har Patni ka Pati Ko Rokna Hai

Tu-Tu, Mein - Mein Ki Ye Hodd
Kab kahan tak rukegi kahan tak chalegi
Ahamkaar ki justazoo mein kahan tak
Bacchon ki bali chadhayee jayegi

Har taraf yehi rona hai
Har Patni ka Pati ko Rokna Hai

Shayad woh waqt aagaya hai
Jahan rasmon se umeed uth gaya hai
Patni aur Pati ka roop mitt gaya hai
Ek bhayanak sapna sa umeed kho gaya hai

Har taraf yehi rona hai
Har Patni ka Pati ko Rokna hai

Chalo milkar ye jahan sajayein
Pyaar se bhari na umeedi ki
Jahan tum se kuch na maangein
Jee bharkar tumhein chaahein

Har taraf ke rone ko
Chalo aaj hee khatm karein

Rasmon ke ye daayre
Khuli hawa mein jee lein
Saans lene mein na rokein
Jee bhar ke jee lene dein, bas

Har taraf ke rone ko
Chalo aaj hee khatm karein

Pyaar ki koi seema na ho
Rokne tokne wala na ho
Patni aur Pati ki zanzeer na ho
Sirf pyaar aur pyaar hee ho

Har taraf ke rone ko
Chalo aaj hee khatm karein

Na Tu Mera hai na mein teri
Koi bandhan nahi zorr nahi
Dil khulkar pyaar karein jise
Dil chaahe phir woh mera ho jaye

Har taraf ke rone ko
Chalo aaj hee khatm karein


~ fiza

Sunday, June 27, 2010

Par hum to kabhi nahi mile


..........
Hum chaukhat se ruksat huye aise
Jaise lage kabhi nahi hum mile

Duriyon ko aur dur karein ke
Jaise lage kabhi nahi hum mile

Chahatein, ulfatein, sapne sanjoye
Lekin hum kabhi nahi mile

Kis - kis tarah dekhe sapne
Par hum to kabhi nahi mile

Aarzoo on mein kaise beeta waqt
Haan lekin hum kabhi nahi mile

Chand phisale huye pal zindagi ban gayee
Lekin phir, Jaise lage kabhi hum nahi mile

Soch mein Hai fiza aaj bhi kaise…
Aise, Jaise lage kabhi hum nahi mile

~ Fiza

Kash-ma-kash mein padi fiza

Kehate hein aksar duriyaan insaan ko paas laate hein. Kabhi kabhi duriyan dur rehane ka sabab bhi ban jaate hein...dono suraton mein paas aur dur jaane ka dar bana rehata hai. Lekin jab duriyon ke baad phasle kam ho jaate hein tab...ka haal kuch asmanjas mein hee daalta hai...kambhakt ye pyaar kyun hota hai?



Usha se Nisha tak
mastishk mein chaye ho

Duriyone kya sitam kardiye
Jo paas aakar sambhle nahi ho

Ye kaisee kashish hai
Kya deewanapan kar rahe ho

Dil mein toofaan sa machalta
Ek behaav sa kyun khench rahe ho

Tum dur nahi the wohi thik tha
Yoon tadpaane kyun lage ho

Theharaav se bhari zindagi thi
Kahaan se aakar khalbali macha rahe ho

Kasauti ki baandh banayee thi
Ye toofan se kyun oose tod rahe ho

Ab sambhalna Vash mein nahi
To kyun mujhe nasihatein dete ho

Kash-ma-kash mein padi fiza
Pooche iska koi to hal ho?

~ Fiza

Friday, May 14, 2010

Gol Gol Chanda!

Chand ko logon ne alagh alagh roop mein dekha hai jaana hai aur iski upma anek tarah se suna aur padha bhi hai. Mujhe hamesha chaand ek akela musafir hee laga...jo aur ke liye jalta, chalta rehata hai aur auron ko manzil tak pahunchakar phir nikal padta hai apne akele safar mein...mein aksar chand ke dard ko mehasoos kar jaati hoon apne hee tarike se... kuch armaan nikal aaye mere jab meine aasmaan mein gol gol bada chaand dekha...

mere zehan ki thakaan
mano pani pani hogaya
dekha jo aasmaan mein
gol gol chanda

muskurahat ki lehar
jaise phaila gayee ho
roshan chandni chehare per
gol gol chanda

mein nikali lekar gaddi
woh chala phir mere peeche
balkhate to kabhi chip-chipaate
gol gol chanda

har baar woh dekhta aise
kabhi pedon ke peeche se
to kabhi raaste ke khambon se
gol gol chanda

Jo mein so jaaon thak kar
Phir bhi woh jagta rahe
neend chadhne tak mujhe sehalaye
gol gol chanda

~ fiza

Pyaar Karne Ki Ritu, Abhi Angadayee Leti Hai Kam

Insaan pyaar jaisee cheezon mein jab dhal jaata hai to, tab woh ishwar ko choo leta hai - aisa bade buzurgon se suna tha! Lekin jab inhee premiyon ko juda kar diya jaata hai...tab woh dil ke kareeb to hote hee hain lekin aankhon se aankhon ko dekhne aur pyaar ke izhaar karne ki rut ko kho baith te hein...iss virah ki ghadi mein jo jasbaat dhalte hein khayaalon mein woh kuch iss tarah pesh kiya hai...

Pyaar ke ehasaas,jataye nahi the tab tak
Acchi thi roshni,chaand ke nikalne tak

Oonki becheni mein,Ek karaar tha yoon
Ke meri har muraad,roshan hui mumnoon (thankful)

Oss (dew) jaise Ehasaas, kirano mein oodne lage
Ab hum tadapne lage,dhuyein se baatein karne lage

Dil aur deemag ke,iss uljhan mein
virah ke teer jhele,kambhakt dil roye

Ishq ke ye ehasaas,meethe dard jagaaye
diye ki tarah jalkar,roshan kaheen aur ho jaaye

apni tadapti rooh ko,samjhane lage hein hum
pyaar karne ki ritu,abhi angadayee leti hai kam

Dil ko samjhayein to kaise,Ghabaraye to rokein kaise
Aaj chandani ki roshni mein,Kal ke armaan jalayein kaise?

Kyun laga liya ye rog,Becheni ka ye ehasaas
Hichkole lete huye armaan,Dil mein kayee toofan oothaye

Dur hai fiza magar paas rehate hain dil mein
Chaandni jaise roshan hoti hai vasundhara (dharti) mein

Aakhir Kyun?

Kayee baar jo sapne hum dekhte hein oonhein hum pa bhi lein to oosmein khalan paida hone ki gunjaish bahut jyada hoti hai... Kyunke kabhi kabhi hum iss vishwas ko hee kho dete hein ke kabhi hamare sapne bhi poore ho sakte hein... aise mein jab waqai mein koi oos sapne mein daraar dalein to jo khayaalat aate hein oonhein pesh karni ki choti see koshish...

Dil mein toofan sa
jasbaat mein dhalaan sa
mein kis ki sunoo
Mein kyun kar sunoo

Oske ehasaas ka qatl
ooske jazbaat ka qatl
dard mujh ko hoye
mein kyun kar sahoon

Koi dhamkaaye oose
Koi zabaran rakhe oose
kaisa faisla hai ye
Mein kyun kar daroon

Har baar jo sehata ho
Har baar jo jalta ho
Osi per phir pahad toote
Mein kyun kar samjhoon

Koi khuda per ilzaam dhare
Jab bali hee chadhani ho to
Meri hee gardan kyun aaye
Mein kyun ye anyaay sahoon

Mein kyun har baar ye hone doon
Kya khuda hai bhi
Ya ye bhi sirf ek veham hai
Mein kyun iss jhoothi aas mein jiyoon
Kyun? Kyun? Kyun?

~ fiza

Tuesday, February 09, 2010

मैं

ज़िन्दगी में कभी ऐसे मौके आये हैं जहाँ आप इस कदर खुदगर्ज़ हो जाते हैं के आपको सिर्फ अपनी फिकर होती है के में कैसे जियूँगा और में कैसे अपने आपको किसी भी हालात से बहार निकालूँगा जहाँ मुझे किसी पर भी निर्भर रहना न पड़े ...ऐसे चंद मौकों, लम्हों जहां "मैं" का महत्व दर्शाने की एकमात्र कोशिश...
मैं !!!
मैं चाहता हूँ , दिल से तुझे
मैं बहलाता हूँ , दिल से तेरे
मैं प्यार चाहता हूँ , दिल से तेरे
मैं चाहता हूँ , तू भी प्यार करे
मैं चाहता हूँ , तू भी बहले मुझ से
मैं चाहता हूँ , गर तू न आये मेरे पास
में चाहता हूँ , भूल जाऊं में तुझे
तुझ से पहले, में जीत जाऊं इसमें
मैं चाहता हूँ , तकलीफ कम हो मुझे
जब में निकल जाऊं , सुकून से
इस प्यार के झमेले से
तब तुम चली जाना ज़िन्दगी से
न कभी फिर सहारे की जुस्तजू तुमसे
मैं चाहता हूँ , ये दिल से
के तू हमेशा चाहते रहे ,
लेकिन में निकल जाऊं इसमें से
मैं चाहता हूँ , दिल से तुझे
मैं बहलाता हूँ , दिल से तेरे
~ फिजा

Wednesday, January 20, 2010

न दिल जानता है , न हम जानते हैं!

कभी ऐसा हुआ है जब आपको ही नहीं मालूम आपका दिल क्या चाहता है और दिल की असमंजस में वोह बहका हुआ सा तो कभी उलझा हुआ सा रहता है. जो भी हो, ऐसे में वोह बहुत कुछ गँवा बैठता है ...कुछ चाँद अल्फाजों में प्रस्तुति करने का प्रयास ...

आज ये क्या होगया है , आज ये क्या होगया है
न दिल जानता है , न हम जानते हैं

गडगडाहट सी बारिश , न हम भीग रहे हैं
न दिल भीग रहा है , आज ये क्या होगया है

बारिश हो हम न हों कहीं , ऐसा पहली बार हुआ है
बरखा से दूर कहाँ जा रहा है , आज ये क्या होगया है

न कुछ सूझता है , न कुछ समझता है
बीमारी कुछ नहीं है ,हाल बीमारों सा है

आज ये क्या होगया है , आज ये क्या होगया है
न दिल जानता है , न हम जानते हैं
~ फिजा

करो न भेदभाव हो स्त्री या पुरुष !

  ज़िन्दगी की रीत कुछ यूँ है  असंतुलन ही इसकी नींव है ! लड़कियाँ आगे हों पढ़ाई में  भेदभाव उनके संग ज्यादा रहे ! बिना सहायता जान लड़ायें खेल में...